راولپنڈی: اسٹریٹجک پلانز ڈویژن کے 35 نامور سائنسدانوں اور انجینئرز کو تمغوں سے نوازا گیا۔
مسلح افواج کے شعبہ تعلقات عامہ (آئی ایس پی آر) کے مطابق چیئرمین جوائنٹ چیفس آف اسٹاف کمیٹی کی جانب سے نامور سائنسدانوں اور انجینئرز کو تمغوں سے نوازا گیا ہے۔
ڈائریکٹر جنرل (ڈی جی) اسٹریٹجک پلانز ڈویژن لیفٹیننٹ جنرل یوسف جمال نے 35 سائسندانوں اور انجینئرز کو تمغے دیئے۔
آئی ایس پی آر کے مطابق سائنسدانوں اور انجینئرز کو تمغے ان کی خدمات کے اعتراف میں دیئے گئے۔
آئی ایس پی آر کے مطابق تمغے دینے کی تقریب چکلالہ گیریژن میں ہوئی۔
