خیبر پختونخوا میں پی ٹی آئی رہنما شبلی فراز کی خالی ہونے والی سینیٹ کی نشست پر ضمنی انتخاب کے لیے پولنگ جاری ہے۔
پولنگ خیبر پختونخوا اسمبلی کے جرگہ ہال میں ہو رہی ہے جہاں رکن صوبائی اسمبلی احسان اللہ خان نے پہلا ووٹ کاسٹ کیا۔ ضمنی انتخاب کیلئے صوبائی الیکشن کمشنر سعید گل ریٹرننگ افسر (آر او) مقرر کیے گئے ہیں۔
ضمنی انتخاب کے لیے ن لیگ کے حمایت یافتہ تاج محمد آفریدی اور پی ٹی آئی کے خرم ذیشان میدان میں ہیں ، خیبر پختونخوا اسمبلی میں اراکین کی کُل تعداد 145 ہے جبکہ سینیٹ کی خالی نشست پر کامیاب ہونے کے لیے 73 ووٹ درکار ہیں۔
واضح رہے کہ خیبرپختونخوا اسمبلی میں حکومتی اراکین کی تعداد 92 جبکہ اپوزیشن اراکین کی تعداد 53 ہے۔ گزشتہ روز سپریم کورٹ نے سینیٹ الیکشن روکنے درخواست مسترد کرتے ہوئے پشاور ہائیکورٹ کو شبلی فراز کی زیر التواء درخواست پر فیصلہ کرنے کا حکم دیا تھا۔
