کنسرٹ کے دوران پاکستانی گلوکار عاصم اظہر اور اداکارہ ہانیہ عامر کی ویڈیو سوشل میڈیا پر وائرل ہوگئی ہے، جس نے مداحوں کی توجہ ایک بار پھر دونوں فنکاروں کی جانب مبذول کر دی ہے۔
سوشل میڈیا پر وائرل ویڈیوز میں امریکا میں ہونے والے عاصم اظہر کے کنسرٹ میں ہانیہ عامر بھی موجود تھیں، جہاں وہ گانا “میری زندگی ہے تو” گنگناتی بھی نظر آئیں۔ اگرچہ اداکارہ نے خود کو نمایاں ہونے سے بچانے کی کوشش کی، تاہم مداحوں نے انہیں فوراً پہچان لیا اور ویڈیوز تیزی سے سوشل میڈیا پر گردش کرنے لگیں۔
جس کے بعد اسٹیج کے قریب ایک موقع پر دونوں فنکاروں کے درمیان دوستانہ انداز میں ہاتھ تھامنے کا لمحہ پیش آیا۔ یہ ویڈیو چند ہی گھنٹوں میں مختلف سوشل میڈیا پلیٹ فارمز پر تیزی سے پھیل گئی۔
وائرل کلپس میں دونوں شخصیات کو خوشگوار موڈ میں دیکھا جا سکتا ہے، جبکہ کنسرٹ کے شرکاء بھی اس موقع پر خاصے پرجوش نظر آئے۔ بعض ویڈیوز میں شائقین کی جانب سے “ہانیہ، ہانیہ” کے نعرے بھی سنائی دیتے ہیں، جس پر عاصم اظہر مسکراتے ہوئے ردعمل دیتے دکھائی دیتے ہیں۔
