پشاور میں سبزیوں کی قیمتوں میں ایک ماہ کے دوران بڑا اضافہ

صوبائی دارالحکومت پشاور میں ایک ماہ کے دوران سبزیوں کی قیمتوں میں 80 روپے تک کا اضافہ ہو گیا ہے۔

ٹماٹر مزید 40 روپے کلو مہنگے ہو گئے ہیں، سرکاری نرخنامے میں ٹماٹر کی فی کلو قیمت 140 روپے مقرر کی گئی ہے۔

پیاز، آلو اور لیموں کی فی کلو قیمتوں میں 20 روپے تک اضافہ ہوا، سرکاری نرخنامے میں آلو اور لیموں کی فی کلو قیمت 80 سے 100 روپے ہوگئی ہے۔

لہسن 80 روپے فی کلو مہنگا ہو گیا ہے، قیمت 600 سے 680 روپے فی کلو تک پہنچ گئی ہے، سرکاری نرخنامہ میں کچالو کی قیمت میں 10 روپے اور کریلے کی فی کلو قیمت میں 40 روپے تک اضافہ ہو گیا۔

دوسری جانب ادارہ شماریات کے اعداد و شمار کے مطابق اکتوبر 2024 میں مہنگائی 7.2 فیصد پر تھی،اعداد و شمار کے مطابق نومبر 2024 میں شہری علاقوں میں مہنگائی 5.2 فیصد اور دیہی علاقوں میں 4.3 فیصد ریکارڈ کی گئی۔