ریاض: سعودی عرب میں مزید دو شراب خانے کھولے جائیں گے۔
رائٹرز نے اپنی رپورٹ میں کہا ہے کہ سعودی عرب نے مزید دو شراب خانے کھولنے کا منصوبہ بنایا ہے، جن کا افتتاح 2026 تک ہو گا۔
جن میں سے ایک ارامکو کے غیر مسلم غیر ملکی ملازمین کے لیے مشرقی صوبے ظہران میں قائم کیا جائیگا، جبکہ دوسرا جدہ میں غیر مسلم سفارتکاروں کے لیے مخصوص ہو گا۔
یہ اقدام سعودی عرب میں جاری سماجی و معاشی اصلاحات کا ایک اور اہم سنگِ میل سمجھا جا رہا ہے۔ ذرائع کے مطابق ظہران میں نیا شراب خانہ ارامکو کی ملکیتی ایک مخصوص کمپاؤنڈ کے اندر قائم کیا جائے گا اور وہاں صرف غیر مسلم ملازمین کو خریداری کی اجازت ہوگی۔
اسی طرح جدہ میں ایک شراب خانہ غیر مسلم سفارتکاروں کے لیے تیار کیا جا رہا ہے۔ دونوں شراب خانے 2026 میں کھلنے کی توقع ہے تاہم سرکاری طور پر کوئی تاریخ جاری نہیں کی گئی۔
