بھارتی سیکرٹری خارجہ وکرم مسری نے جنگ بندی میں امریکی کوششوں کا انکار کرتے ہوئے کہا ہے کہ پاکستان اور بھارت کے درمیان جنگ بندی قطعی طور پر دوطرفہ تھی، ڈونلڈ ٹرمپ کا اس میں کوئی کردارنہیں تھا۔
بھارتی سیکرٹری خارجہ نے پارلیمانی کمیٹی کو بریفنگ میں کہا کہ صدر ٹرمپ نے ہم سے بیچ میں آنے کی اجازت نہیں لی، وہ خود ہی سٹیج پر آنا چاہتے تھے اور آ گئے۔
ان کا مزید کہنا تھا کہ پاکستان اوربھارت کے درمیان تنازع روایتی جنگ کے دائرے میں رہا، پاکستان سے کسی بھی ایٹمی حملے کے اشارے نہیں ملے۔
بھارتی میڈیا کے مطابق پارلیمانی کمیٹی کی طرف سے بار بار پوچھا گیا کہ پاکستان سے جنگ میں کتنے بھارتی طیارے تباہ ہوئے لیکن وکرم مسری نے قومی سلامتی کا بہانہ بنا کر جواب دینے سے گریز کیا۔
