اسپارکو نے ربیع الاول 1447 ہجری کے چاند کی متوقع رویت کے بارے میں پیشگوئی کر دی۔
ترجمان اسپارکو نے کہاہے کہ ربیع الاول 1447 ہجری کا چاند 23 اگست 2025 کو پاکستان کے معیاری وقت کے مطابق صبح 11:06 بجے پیدا ہونے کی توقع ہے۔
24 اگست 2025 کو غروبِ آفتاب کے وقت نئے چاند کی عمر تقریباً 32 گھنٹے اور 13 منٹ ہوگی، ملک کے ساحلی علاقوں میں غروبِ آفتاب اور غروبِ قمر کے درمیان وقت کا دورانیہ تقریباً 45 منٹ ہوگا۔
ترجمان نے کہا کہ فلکیاتی اعداد و شمار کے مطابق 24 اگست 2025 کی شام کو چاند نظر آنے کے قوی امکانات ہیں، یکم ربیع الاول 25 اگست 2025 کو ہونے کا امکان ہے۔
ماہ ربیع الاول کا آغاز اگر 25 اگست سے ہوتا ہے تو 12 ربیع الاول 5 ستمبر بروز جمعہ کو ہو گی، ترجمان نے کہا کہ چاند کی رویت سے متعلق حتمی اعلان رویت ہلال کمیٹی کرے گی۔
