پاکستان اسٹاک ایکسچینج میں ٹریڈنگ کا نیا ریکارڈ بن گیا ، انڈیکس ملکی تاریخ کی بلند ترین 94 ہزار کی سطح پر پہنچ گیا۔
کاروباری ہفتے کے پہلے روز اسٹاک مارکیٹ میں کاروبار کے دوران زبردست تیزی کا رجحان رہا ، 100 انڈیکس 594 پوائنٹس بڑھنے کے بعد 94 ہزار 20 پوائنٹس پر ٹریڈ کرتے دیکھا گیا۔
گزشتہ کاروباری ہفتے کے آخری روز ہنڈریڈ انڈیکس 93 ہزار ، 424 پوائنٹس پر بند ہوا تھا۔
دوسری جانب روپے کے مقابلے میں امریکی ڈالرمہنگا ہو گیا ، انٹر بینک میں ڈالر کی قیمت 6 پیسے بڑھنے کے بعد 277 روپے 80 پیسے ہو گئی۔
