سرکاری دورے پر یورپ گئے سینیٹ افسر حیدر علی سندرانی کے اہلخانہ نے سیاسی پناہ کی درخواست دی دی۔
وزارت خارجہ کو انکشاف ہوا ہے کہ سینیٹ افسر کے اہلخانہ کے افراد نے یورپ جاکر مغربی یورپی ممالک میں سے ایک میں سیاسی پناہ کی درخواست دے دی اور واپس نہیں لوٹے۔
اس حوالے سے وزارت خارجہ نے اراکین قومی اسمبلی اور سینیٹرز کے ساتھ ساتھ بیرون ملک دورے کرنے والی شخصیات کے لیے خصوصی ہدایات جاری کی ہیں۔ سیکرٹری خارجہ سائرس سجاد قاضی نے سیکریٹریٹ کو خط لکھ کر ویزا نوٹس کے اجراء کے لیے نئی ہدایات سے آگاہ کیا۔
سینیٹ سیکریٹریٹ کے جوائنٹ سیکرٹری حیدر سندرانی نے ایک رسمی درخواست کے ذریعے سینیٹ سیکرٹریٹ سے نہ صرف اپنے لیے بلکہ اپنے خاندان کے لیے بھی ایک نوٹ اور تعارفی خط حاصل کیا تھا۔
