لاہور ہائیکورٹ نے پی ٹی آئی کے سابق چیئرمین کی اہلیہ بشریٰ بی بی کی سہیلی فرح خان کے بچوں کا نام پاسپوٹ کنٹرول لسٹ سے نکالنے کا حکم دے دیا۔
جسٹس انوارالحق پنوں کی سربراہی میں 2 رکنی بینچ نے اپیل کافیصلہ جاری کر دیا ہے۔ عدالت کا کہنا تھا کہ سرکاری وکیل بچوں کے نام پی سی ایل لسٹ میں رکھنے پرمطمئن کرنے میں ناکام رہا۔
عدالتی فیصلے میں کہا گیا کہ بچوں کی والدہ فرح خان سمیت دیگر پراینٹی کرپشن نے مقدمہ درج کیا، فرح خان نے کرپشن اور سرکاری خزانے کو بہت زیادہ نقصان پہنچایا اور انہوں نے انویسٹی گیشن جوائن نہیں کی۔
لاہور ہائیکورٹ نے اپنے فیصلہ میں کہا کہ جب فرخ خان پر مقدمہ درج کیا گیا اس وقت بچوں کی عمرکم تھی،بچوں کا نام پی ایس ایل لسٹ میں رکھنے کا جواز نہیں ہے۔
اس موقع پر عدالت نے شہباز شریف کا نام ای سی ایل سے نکالنے کے فیصلے کا بھی ذکر کیا، فیصلے میں کہا گیا کہ عدالت اپیل کو منظور کرتے ہوئے سنگل بینچ کا فیصلہ کالعدم قرار دیتی ہے۔
