تھائی لینڈ نے پڑوسی ملک کمبوڈیا کے ساتھ امریکی صدر ڈونلڈ ٹرمپ کی ثالثی میں طے پانے والا امن معاہدہ معطل کر دیا۔
غیر ملکی میڈیا کے مطابق تھائی لینڈ نے بارودی سرنگ دھماکے سے اپنے 2 فوجیوں کے زخمی ہونے کے بعد کمبوڈیا سے امن معاہدہ معطل کر دیا ہے۔
تھائی لینڈ کے وزیراعظم انوتین چرنیوراکل نے کہا ہے کہ امن تب تک معطل رہے گا جب تک تھائی لینڈ کے مطالبات تسلیم نہیں کیے جاتے۔
دوسری جانب کمبوڈیا کی حکومت کی جانب سے کہا گیا ہے کہ وہ ابھی تک معاہدے کی تعمیل چاہتے ہیں۔
واضح رہے اس معاہدے کا مقصد جولائی میں ہونے والی سرحدی جھڑپوں کے بعد پائیدار امن لانا تھا، ان جھڑپوں میں 40 سے زائد افراد ہلاک اور 3 لاکھ سے زیادہ شہری بے گھر ہوئے تھے۔
