مظفر گڑھ کے علاقے لنگر سرائے کے قریب مسافر بس اور ٹرالر کے درمیان تصادم کے نتیجے میں 6 افراد جاں بحق اور 18 زخمی ہو گئے۔
پولیس ترجمان کے مطابق بس جھنگ سے علی پور جاتے ہوئے حادثے کا شکار ہوئی۔ جاں بحق افراد میں 2 مرد، 2 خواتین اور 2 بچے شامل ہیں۔ زخمیوں کو اسپتال منتقل کر دیا گیا۔
پولیس کے مطابق حادثے کی وجوہات کا تعین کیا جا رہا ہے اور تحقیقات جاری ہیں، ابتدائی معلومات کے مطابق بس جھنگ سے علی پور جا رہی تھی کہ سامنے سے آنے والے ٹریلر سے ٹکرا گئی۔
