پنجاب اسمبلی کے اپوزیشن کے معطل ارکان کے خلاف ریفرنس کے معاملے پر حکومتی مذاکراتی کمیٹی تشکیل دے دی گئی۔
حکومتی مذاکراتی کمیٹی میں مجتبیٰ شجاع الرحمان، سلمان رفیق رانا ارشد، سمیع اللہ خان، احمد اقبال، علی حیدر گیلانی، شافع حسین اور شعیب صدیقی شامل ہیں۔
اپوزیشن لیڈر بھی اسپیکر پنجاب اسمبلی کو مذاکراتی کمیٹی کے نام دیں گے، اپوزیشن کو مذاکرتی کمیٹی کے نام آج ا سپیکر آفس میں جمع کرانے کی ہدایت کی گئی ہے۔
ذرائع کے مطابق اپوزیشن اور حکومتی اتحاد کی مذاکرتی کمیٹی کا دوسرا سیشن اتوار کو ہو گا، حکومتی اتحاد اور اپوزیشن مذاکرات کامیابی پر سفارشات مرتب کریں گے۔
اسپیکر نے وزیراعلیٰ مریم نواز کی تقریر کے دوران ایوان میں ہنگامہ آرائی کرنیوالے اپوزیشن کے 26 ارکان کو معطل کردیا تھا، مذاکرات کامیاب ہونے پر اسپیکر اپوزیشن کے خلاف ریفرنس ڈراپ کردیں گے۔
