ساہیوال کے ٹیچنگ اسپتال کے چلڈرن وارڈ میں آتشزدگی کے نتیجے میں وارڈ اور سامان جل کر راکھ ہو گیا جبکہ ایک سکیورٹی گارڈ زخمی ہوا۔
ریسکیو1122 کے مطابق ٹیچنگ اسپتال کے چلڈرن وارڈ میں آگ شارٹ سرکٹ کے باعث لگی جس پر قابو پا لیا گیا، ریسکیو کی 5 گاڑیوں نے آگ بجھانے میں حصہ لیا۔
اسپتال ذرائع کے مطابق آتشزدگی کے باعث 60 سے 70 بچوں کو چلڈرن وارڈ سے ایمرجنسی میں منتقل کر دیا گیا ہے۔
اسپتال ذرائع کا کہنا ہے کہ ریسکیو آپریشن کے دوران ایک سکیورٹی گارڈ زخمی بھی ہوا جبکہ آگ کے باعث چلڈرن وارڈ اور اس کا سامان جل گیا۔
