کراچی: وزیر اعلیٰ سندھ سید مراد علی شاہ نے کہا ہے کہ بجٹ میں تنخواہ دار طبقے کو ریلیف دیا جائے گا۔
وزیر اعلیٰ سندھ سید مراد علی شاہ نے میڈیا سے گفتگو کرتے ہوئے کہا کہ صوبے کا بجٹ 13 جون کو سندھ اسمبلی میں پیش کیا جائے گا۔ اور تنخواہیں بڑھانے کا فیصلہ وفاق سے حتمی اعداد و شمار ملنے کے بعد فیصلہ کریں گے۔
انہوں نے کہا کہ مہنگائی کے باعث عوام پر بوجھ بڑھ گیا ہے۔ اور بجٹ میں تنخواہ دار طبقے کو ریلیف دیا جائے گا۔ جبکہ وفاق بھی تنخواہ دار طبقے کو ٹیکس میں ریلیف دے گا۔ بلاول بھٹو کی ہدایت پر صاف پانی اور سولر انرجی پر توجہ دے رہے ہیں۔
مراد علی شاہ نے کہا کہ سنا ہے کہ پی ٹی آئی نے عید کے بعد احتجاج کا اعلان کیا ہے۔ جبکہ پی ٹی آئی نے پہلے بھی احتجاج کیے ہیں۔ لیکن پی ٹی آئی والوں کو عدالتوں میں مقدمات پر توجہ دینی چاہیے۔ کسی ایک شخص کے جیل میں ہونے پر تحریک نہیں چلائی جاتی۔
انہوں نے کہا کہ پی ٹی آئی والےعوامی مسائل پر وہ بات نہیں کرتے۔
