اسلام آباد: وزیر اعظم شہباز شریف 2 روزہ سرکاری دورے پر بیلا روس روانہ ہو گئے۔
وزیر اعظم شہباز شریف 10 اور 11 اپریل کو بیلا روس کے سرکاری دورے پر رہیں گے۔ وہ بیلاروس کے صدر الیگزینڈر لوکاشینکو کی دعوت پر دورہ کر رہے ہیں۔
نائب وزیر اعظم و وزیر خارجہ محمد اسحاق ڈار، وفاقی وزیر اطلاعات و نشریات عطا اللہ تارڑ، معاون خصوصی طارق فاطمی اور وزیر اعلیٰ پنجاب مریم نواز بھی وزیر اعظم کے ہمراہ سرکاری دورے پر روانہ ہوئے ہیں۔
ذرائع کے مطابق بیلا روس کے ساتھ تجارت اور سرمایہ کاری کے شعبے میں اہم پیشرفت متوقع ہے۔ شہباز شریف اور میزبان صدر کے درمیان پاکستان میں سرمایہ کاری، معاشی تعاون اور تجارتی روابط کے فروغ پر باضابطہ مذاکرات ہوں گے۔
