لاہور: پاکستان کو انٹرنیشنل کرکٹ کونسل (آئی سی سی) ویمنز ورلڈ کپ کوالیفائرز کی میزبانی مل گئی۔
ذرائع کے مطابق پاکستان کو آئی سی سی کے ایک اور ایونٹ کی میزبانی مل گئی۔
پاکستان رواں سال آئی سی سی ویمنز ورلڈ کپ کوالیفائرز کی میزبانی کرے گا۔ ویمنز ورلڈ کپ کوالیفائرز کے میچز اپریل 2025 میں پاکستان کے مختلف شہروں میں ہوں گے۔
کوالیفائرز میچز میں پاکستان سمیت 6 ٹیمیں شرکت کریں گی۔ جن میں بنگلہ دیش، ویسٹ انڈیز، آئر لینڈ، اسکاٹ لینڈ اور تھائی لینڈ کی ٹیمیں شامل ہیں۔
