پاکستان کرکٹ بورڈ (پی سی بی) کے چیئرمین محسن نقوی کی امریکا کرکٹ کے چیف ایگزیکٹو افسر جوناتھن اٹکیسن سے ملاقات ہوئی۔
ملاقات کے دوران دونوں ملکوں کے درمیان کرکٹ سیریز کرانے کے پروگرام کو حتمی شکل دینے پر اتفاق کیا گیا۔
چیئرمین پی سی بی نے یو ایس اے کرکٹ کے سی ای او کو ہر ممکن معاونت کی یقین دہانی کراتے ہوئے کہا کہ امریکا میں کرکٹ کے فروغ کے لیے پی سی بی بھرپور تعاون کریگا۔
چیئرمین پی سی بی نے مریکا کے کوچز کو پاکستان میں تربیت دینے کی پیشکش بھی کی ، اور یو ایس اے کرکٹ کے سی ای او کو چیمپئنز ٹرافی کے میچز دیکھنے کے لیے پاکستان آنے کی دعوت دی۔
جوناتھن اٹکیسن نے چیمپئنز ٹرافی ٹورنامنٹ کی دعوت پر محسن نقوی کا شکریہ ادا کیا۔
