محکمہ موسمیات نے اسلام آباد سمیت مختلف علاقوں میں گرج چمک کے ساتھ مزید بارش کی پیشگوئی کر دی۔
محکمہ موسمیات کے مطابق خیبر پختونخوا، کشمیر، اسلام آباد، پنجاب، سندھ، شمال مشرقی و جنوبی بلوچستان اور گلگت بلتستان میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔
اس دوران خیبر پختونخوا، کشمیر، بالائی و وسطی پنجاب، اسلام آباد اور شمال مشر قی و جنوبی بلوچستان میں کہیں کہیں تیز اور موسلادھار بارش ہونے کی توقع ہے۔
اسلام آباد میں تیز ہواؤں اور گرج چمک کے ساتھ مزید بارش کا امکان ہے، راولپنڈی، مری، گلیات، جہلم، اٹک، چکوال، گجرات، گوجرانوالہ، سیالکوٹ، نارووال، شیخوپورہ، حافظ آباد، وزیر آباد، چنیوٹ، قصور، اوکاڑہ، فیصل آباد، جھنگ، ٹوبہ ٹیک سنگھ، سرگودھا، خوشاب، منڈی بہاؤالدین، ملتان، رحیم یار خان، بہاولنگر، بہاولپور، کوٹ ادو، خان پور، ڈیرہ غازی خان، سا ہیوال، لیہ، بھکر، میانوالی، تو نسہ اور راجن پور میں بارش ہونے کی توقع ہے۔
