وزیر اعظم شہباز شریف سے گورنر خیبر پختونخوا فیصل کریم کنڈی نے ملاقات کی جس میں سیاسی صورتحال اور صوبے کے مسائل پر تبادلہ خیال کیا گیا۔
ملاقات کے بعد گورنر خیبر پختونخوا فیصل کریم کنڈی نے میڈیا سے گفتگو میں بتایا کہ وزیرِ اعظم سے میری پہلی ملاقات تھی، جس میں وزیرِ اعظم نے گورنر بننے کی مبارک باد دی۔
انہوں نے کہا کہ چشمہ رائٹ کینال کے لیے بھی رقم رکھنے کی سفارش کی ہے، سوئچ آن یا آف کرنے سے مسائل حل نہیں ہوتے ،صوبے میں 24 یونیورسٹیز کے وائس چانسلرز موجود نہیں ، سرکاری ملازمین کی تنخواہیں 25 فیصد بڑھانے کی تجویز دی ہے۔
فیصل کریم کنڈی نے کہا کہ وزیرِ اعظم سے کے پی کے گیس اور بجلی کی لوڈشیڈنگ کے مسئلے پر بھی بات ہوئی ہے۔ وزیراعلیٰ خیبر پختونخوا سے کہوں گا کہ صوبے میں امن کے قیام پر توجہ دیں۔
