وزیراعلیٰ مریم نواز سے برطانوی ہائی کمشنر جین میریٹ نے ملاقات کی جس میں باہمی دلچسپی اور دیگر امور پر تبادلہ خیال کیا گیا۔
مریم نواز نے حالیہ پاک بھارت کشیدگی میں برطانیہ کے مثبت اور مدبرانہ کردار کو سراہتے ہوئے کہا کہ جین میریٹ کی بطور ہائی کمشنر خدمات کو حکومتِ پنجاب انتہائی قدر کی نگاہ سے دیکھتی ہے۔
مریم نواز نے کہا کہ پنجاب برطانیہ کے ساتھ اشتراک کار کو مزید وسعت دینے اور تعاون کے فروغ کے نئے مواقع تلاش کرنے کے لیے پُرعزم ہے، انہوں نے برطانوی ہائی کمشنر کو تعلیم، تجارت، سرمایہ کاری، موسمیاتی تحفظ اور گورننس کے شعبوں میں باہمی اشتراک کار مزید بڑھانے کی پیشکش کی۔
دریں اثناء مریم نواز نے سبکدوش ہونے والی برطانوی سیاسی مشیر زوئی ویئر کے اعزاز میں ظہرانہ دیا اور ان کی سفارتی خدمات کو سراہا
