اسرائیلی افواج کی وسطی غزہ میں وحشیانہ بمباری سے مزید 5 فلسطینی شہید، 33 زخمی ہوگئے۔
عرب میڈیا کے مطابق اسرائیلی فوج کی غزہ میں نصیرات کیمپ کے شمال میں حملے میں پانچ افراد شہید ہوگئے، زخمیوں کو اسپتال منتقل کر کے طبی امداد فراہم کی جا رہی ہے۔
دوسری جانب غزہ کے نیصاری چوراہے کے قریب اسرائیلی فوج کی فائرنگ سے دو فلسطینی شہید ہوگئے، کارروائی میں ایک شخص کو شدید زخمی حالت میں اسپتال منتقل کردیا گیا ہے۔
واضع رہے کہ اسرائیلی فوج نے غزہ کے شمالی حصے میں رہائشیوں کو جبری انخلا کا حکم دے دیا ہے، جس سے فوجی آپریشن میں وسعت کا خدشہ ظاہر کیا گیا ہے۔
