ایران نے جوہری پروگرام پر سفارتی مذاکرات دوبارہ شروع کرنے کے لیے آمادگی کا اظہار کیا ہے۔
ایرانی وزیر خارجہ عباس عراقچی نے یورپی یونین کی خارجہ پالیسی کی سربراہ کاجاکالاس کو لکھے گئے خط میں کہا ہے کہ اگر مغربی ممالک سنجیدگی اور خیر سگالی کا مظاہرہ کریں تو جوہری پروگرام پر سفارتی مذاکرات دوبارہ شروع کرنے کیلئے تیار ہیں۔
ایرانی مؤقف ایسے وقت سامنے آیا ہے جب برطانیہ، فرانس اور جرمنی نے ایران پر دوبارہ اقوام متحدہ کی پابندیاں عائد کرنے کے لیے باضابطہ عمل کا آغاز کر دیا ہے۔
تینوں یورپی ممالک کے اقوام متحدہ سلامتی کونسل کو لکھے گئے خط میں کہا گیا ہے کہ ایران نے جوہری پروگرام سے متعلق وعدوں کی پاسداری نہیں کی۔
