قومی اسمبلی میں پیش کی گئی رپورٹ کے مطابق پانچ بڑی بین الاقوامی فارما کمپنیوں نے پاکستان سے اپنے مینوفیکچرنگ آپریشنز بیرونِ ملک منتقل کرنے کا فیصلہ کر لیا ہے۔
وزیر صحت سید مصطفٰی کمال نے کہا ہے کہ یہ منتقلی بندش نہیں، بلکہ ایک عالمی کاروباری حکمتِ عملی کا حصہ ہے، تاکہ ادویاتی پیداوار کے سلسلے کو برقرار رکھتے ہوئے مقامی ملکیت کو فروغ دیا جا سکے۔
متاثرہ کمپنیوں میں بائر کے لاہور یونٹ، آئی سی آئی پاکستان کے ملٹی سٹی آپریشنز، سانوفی-اونٹیس کا کورنگی پلانٹ، فائزر کی کراچی سائٹ، اور نووارٹس کی ویسٹ وارف سہولت شامل ہیں۔
حکومتی بریفنگ کے مطابق فارما سیکٹر کی مقامی استعداد کو بڑھانے اور سرمایہ کاری کے نئے مواقع پیدا کرنے کے لیے یہ منتقلی کی جا رہی ہے۔
فارما انڈسٹری کے ماہرین کے مطابق عالمی معاشی حالات، خام مال کی بڑھتی قیمتوں اور آپریشنل اخراجات میں اضافے نے ان کمپنیوں کو اپنی حکمتِ عملی تبدیل کرنے پر مجبور کیا ہے، لکی کور انڈسٹریز جیسے مقامی ادارے بین الاقوامی کمپنیوں کے اثاثے سنبھال کر ملک میں فارما صنعت کی مضبوطی کے لیے کردار ادا کر رہے ہیں۔
