سکیورٹی فورسز نے شمالی وزیرستان کے علاقے حسن خیل میں افغانستان سے دراندازی کی کوشش ناکام بناتے ہوئے 30 بھارتی حمایت یافتہ خوارج کو ہلاک کر دیا۔
آئی ایس پی آر کے مطابق سکیورٹی فورسز نے بھارتی پراکسی فتنہ الخوارج کے ایک بڑے گروہ کی نقل و حرکت کا بروقت پتہ لگا کر بڑے سانحے کو رونما ہونے سے روکا۔ مارے گئے خوارج سے بھاری مقدار میں اسلحہ، گولہ بارود اور بارودی مواد بھی برآمد کر لیا گیا۔
آئی ایس پی آر کا کہنا ہے کہ عبوری افغان حکومت اپنی سرزمین کو غیر ملکی پراکسیوں کی جانب سے پاکستان کیخلاف دہشتگردی کی کارروائیوں کیلئے استعمال ہونے سے روکے۔
