امریکی صدر ڈونلڈ ٹرمپ نے کہا ہے کہ پاکستان اور افغانستان کے درمیان جنگ کا سامنا ہے جسے حل کرنے کی کوشش کروں گا۔
مشرق وسطیٰ کے دورے پر روانگی سے قبل میڈیا سے گفتگو کرتے ہوئے ڈونلڈ ٹرمپ (Donald Trump) نے کہا کہ غزہ میں جنگ ختم ہو گئی ہے،غزہ کیلئے’’بورڈ آف پیس‘‘ جلد قائم کیا جائیگا، غزہ میں جنگ بندی برقرار رہے گی، یرغمالیوں کی رہائی مقررہ وقت سے کچھ پہلے ممکن ہے۔
ان کا کہنا تھا کہ نیتن یاہو نے اچھا کام کیا، قطر کو بھی کریڈٹ ملنا چاہئے، یوکرین جنگ ختم نہ ہوئی تو یوکرین کوٹوماہاک میزائل بھیج سکتا ہوں۔
انہوں نے کہا میں نے سنا ہے اب پاکستان اور افغانستان کے درمیان جنگ چل رہی ہے، مجھے اسے واپس آکر دیکھنا ہو گا، میں پھر ایک اور کوشش کروں گا کیونکہ میں جنگیں حل کرنے میں ماہر ہوں، پاکستان اور بھارت کی جنگ ٹیرف کی مدد سے روکی تھی۔
امریکی صدر مشرق وسطیٰ کے دورے میں پہلے اسرائیل جائیں گے، جہاں وہ پارلیمنٹ سے خطاب اور اسرائیلی حکام سے ملاقاتیں کریںگے۔
