پاکستان میں تاریخی نجکاری کو عالمی اعتماد کی بحالی کی علامت قرار دیا گیا ہے۔
ایس آئی ایف سی کے تعاون سے مشرق وسطیٰ کی معروف کمپنی نے پاکستان کے مالیاتی شعبے میں تاریخی سرمایہ کاری کی ہے، یو اے ای uae کی انٹرنیشنل ہولڈنگ کمپنی (آئی ایچ سی) نے پانچ ارب ڈالر میں فرسٹ ویمن بینک کی نجکاری مکمل کر لی ہے۔
آئی ایچ سی 240ارب ڈالر مارکیٹ ویلیو کے ساتھ 1300 سے زائد ذیلی کمپنیوں کی نگرانی کرتی ہے، آئی ایچ سی کا اہم منصوبہ بینک کو جدید، مصنوعی ذہانت پر مبنی ڈیجیٹل کمرشل بینک میں تبدیل کرنا ہے۔
کمپنی کے ترجیحی منصوبوں میں پاکستان میں ڈیجیٹلائزیشن اور عالمی معیار کے نظام کا فروغ شامل ہے، آئی ایچ سی کا ذیلی ادارہ انٹرنیشنل ریسورسز ہولڈنگ پاکستان میں کان کنی اور توانائی کے منصوبوں میں بھی سرگرم عمل ہے۔
