بالی ووڈ کے معروف اداکار گووندا کی اہلیہ سنیتا آہوجا نے شوہر کے مبینہ غیر شادی شدہ تعلقات کے حوالے سے کھل کر بات کرتے ہوئے کہا ہے کہ اس معاملے کو صرف اس وقت تسلیم کرو گی جب حقیقت اپنی آنکھوں کے سامنے ہوگی۔
سنیتا نے حالیہ انٹرویو میں کہا کہ میرے علم میں بھی یہ افواہیں آئی ہیں، مگر جب تک میں اپنی آنکھوں سے نہ دیکھوں یا انہیں رنگے ہاتھ نہ پکڑوں، کوئی حتمی رائے نہیں دوں گی۔
سنیتا آہوجا نے کہا کہ اس عمر میں غیر ضروری افواہوں پر توجہ دینا مناسب نہیں، اور گووندا کو اپنی بیٹی ٹنا اور بیٹے یش کے کیریئر پر توجہ مرکوز کرنی چاہیے۔
انہوں نے خواتین کو مالی خودمختاری اپنانے کی بھی تلقین کی اور بتایا کہ وہ اس وقت چار کمروں کے گھر میں اپنی اولاد کے ساتھ مقیم ہیں، تاہم اب وہ پانچ بیڈروم والے گھر کی خواہاں ہیں۔ انہوں نے طنزیہ انداز میں کہا کہ جب میں انہیں رنگے ہاتھ پکڑوں گی، تب فیصلہ ہوگا۔
