عالمی اور مقامی مارکیٹ میں سونے کی قیمت ایک بار پھر بڑھ گئی ہے۔
بین الاقوامی مارکیٹ میں فی اونس سونے کی قیمت میں 22 ڈالر کا اضافہ ہونے سے نئی قیمت 2503 ڈالر کی سطح پر آ گئی۔
اسی طرح مقامی صرافہ مارکیٹوں میں بھی فی تولہ سونا 200 روپے مہنگا ہو گیا جس سے نئی قیمت 2 لاکھ ، 62 ہزار 100 روپے جبکہ فی 10 گرام سونا 1714 روپے کے اضافے سے 2 لاکھ ، 24 ہزار 708 روپے کا ہو گیا ہے۔
سونا مہنگا ہونے کے برعکس فی تولہ چاندی کی قیمت بغیر کسی تبدیلی کے 2900 روپے اور فی 10 گرام چاندی کی قیمت بھی بغیر کسی تبدیلی کے 2486.28 روپے کی سطح پر مستحکم ہے۔
