بھارتی ریاست مہاراشٹر سے تعلق رکھنے والی ایک لڑکی نے اپنے عاشق کی لاش سے شادی کر کے سب کو حیران کر دیا۔
بھارتی میڈیا کے مطابق مہاراشٹر کے ضلع ناندیڑ کی انچل نامی لڑکی کے اپنے مقتول عاشق سکشم سے تین سال سے تعلقات تھے وہ دونوں شادی کرنا چاہتے تھے لیکن انچل کے گھر والے اس رشتے کے خلاف تھے اور لڑکی کے عاشق کو قتل کر دیا۔
لڑکے کے قتل کے بعد انچل مقتول عاشق کے گھر پہنچی اور آخری رسومات سے کچھ دیر قبل اپنے ماتھے پر سندور لگا کر خود کو اس کی دلہن بنا لیا۔
رپورٹ کے مطابق مقتول سکشم لڑکی کے بھائی کا دوست تھا اور حال ہی میں جیل سے رہا ہوا تھا۔ پولیس نے چند گھنٹوں میں ملزم اور اس کے ساتھی کو گرفتار کر لیا، پولیس کے مطابق ملزم اور سکشم دونوں کا مجرمانہ پس منظر ہے۔
