میزبان و اداکارہ فضا علی نے اداکاراؤں کو لباس کے حوالے سے مفید مشورہ دے دیا۔
انہوں نے پاکستانی اداکاراؤں کو مختصر لباس پہننے کے حوالے سے مشورہ دیتے ہوئے کہا کہ انہیں اسلامی جمہوریہ پاکستان کے ماحول اور ثقافت کو مدنظر رکھنا چاہیے۔
فضا علی حال ہی میں ٹک ٹاکر سوزین خان کا انٹرویو کر رہی تھیں جس کے دوران انہوں نے کہا کہ پاکستانی شوبز شخصیات کو لباس کے انتخاب میں حدود کا خیال رکھنا چاہیے کیونکہ پاکستان ایک اسلامی ریاست ہے۔
انہوں نے کہا کہ میرے خیال میں اداکاراؤں کو اپنی حدود برقرار رکھنی چاہئیں کیونکہ ہم پاکستان میں رہتے ہیں، ہمیں اپنی ثقافت کے مطابق لباس پہننا چاہیے۔
فضا علی نے کہا کہ اگر اداکارائیں بولڈ لباس پہنتی ہیں تو اسے اسلامی ریاست میں مناسب نہیں سمجھا جاتا، اس پر تنقید اور تنازع جنم لیتا ہے کیونکہ مداح آپ کو اس انداز میں دیکھنا پسند نہیں کرتے۔
