اسلام آباد: وفاقی وزیر خزانہ محمد اورنگزیب نے کہا ہے کہ عالمی مالیاتی ادارے (آئی ایم ایف) پروگرام پر عملدرآمد کیلئے پرعزم ہیں۔
وفاقی وزیر خزانہ محمد اورنگزیب نے تقریب سے خطاب کرتے ہوئے کہا کہ ملکی معیشت بہتری کی جانب گامزن ہے۔ اور کرنٹ اکاؤنٹ خسارے میں کمی آئی ہے۔ اب ہم نے معاشی استحکام کی بنیادوں کو مضبوط کرنا ہے۔
انہوں نے کہا کہ ملک میں مہنگائی 70 ماہ کی کم ترین سطح پر آگئی ہے۔ اور معیشت میں نجی شعبے کا اہم کردار ہے۔ جبکہ حکومت نجی شعبے کو پالیسی گائیڈ لائن دے گی۔
محمد اورنگزیب نے کہا کہ ہاؤسنگ کے شعبے کا معیشت میں نمایاں کردار ہے۔ اور ہم آئی ایم ایف پروگرام پر عملدرآمد کے لیے پرعزم ہیں۔ ملک میں معاشی اصلاحات کا عمل جاری رکھیں گے۔
