چین میں آتش بازی کا سامان بنانے والی فیکٹری میں دھماکے کے نتیجے میں 21 افراد ہلاک اور 61 زخمی ہو گئے ہیں۔
چینی میڈیا کے مطابق دھماکا صوبہ ہونان کے علاقے لیویانگ میں قائم فیکٹری میں ہوا، سوشل میڈیا پر وائرل ویڈیوز میں پہاڑوں میں گھرے ایک دیہی علاقے میں دھوئیں کے بادل اٹھتے دکھائی دیتے ہیں۔
دھماکا اس قدر شدید تھا کہ بعض قریبی عمارتوں کی چھتیں اڑ گئیں ، آتشی مواد گرنے سے دوسری عمارتوں میں بھی آگ لگی، جس پر قابو پا لیا گیا۔
حکام کی جانب سے متاثرہ فیکٹری کے اردگرد تین کلومیٹر تک کنٹرول زون قائم کرکے وہاں سے لوگوں کو نکال دیا گیا ہے۔
