وفاقی وزیر توانائی اویس لغاری نے کہا ہے کہ پاکستان میں بجلی چوری ایک سنگین معاملہ ہے، لوڈشیڈنگ کا خاتمہ بجلی چوری روکنے سے ہی ممکن ہے۔
اویس لغاری نے میڈیا سے گفتگو کرے ہوئے کہا ہے کہ ہم نے مل بیٹھ کر مسائل پر بات کر کے ان کا حل نکالا ہے ، آج پورے پاکستان کے عوام اور ملک کیلئے خوش آئند دن ہے۔ سیاستدانوں پر تنقید کرنے والے آج شرمندہ ہوں گے۔ سیاسی مخالفت کے باوجود پاکستان کے ایجنڈے کو سب نے تسلیم کیا۔
انہوں نے کہا کہ ہم نےایک دوسرے کو اپنے، اپنے پلانز بتائے ہیں، مل بیٹھ کربجلی چوری کی روک تھام کیلئے صوبے کیلئے ایک ماڈل بنایا گیا ہے،جسے دوسرے صوبوں میں بھی لے کر جائیں گے، اس ماڈل سے بجلی چوری کو کم کیا جائے گا۔
انکا مزید کہنا تھا کہ بجلی چوری اور لائن لاسز محکمے کی کوتاہی کی وجہ سے بھی ہوتے ہیں، پاکستان میں بجلی چوری ایک سنگین معاملہ ہے، لوڈشیڈنگ کا خاتمہ بجلی چوری روکنے سے ہی ممکن ہے۔
