ریاض، خلیج تعاون کونسل کا ہنگامی اجلاس طلب کر لیا گیا۔
جی سی سی کا اجلاس آج سعودی عرب کے دارالحکومت ریاض میں منعقد ہو گا، اجلاس میں ایران اسرائیل کشیدگی اور اس کے اثرات کا جائزہ لیا جائے گا۔
سیکرٹری جنرل جی سی سی محمد جاسم البدوی نے کہا ہے کہ ایران پر اسرائیلی جارحیت عالمی قوانین کی خلاف ورزی ہے، ان کا کہنا تھا کہ عالمی برادری ایران اسرائیل کشیدگی کو روکنے کیلئے کردار ادا کرے۔
سیکرٹری جنرل خلیج تعاون کونسل نے کہا کہ فریقین تنازعے کو مزید ہوا نہ دیں ، اس سے معاملات مزید خراب ہوں گے، کشیدگی کے باعث خطے کے امن اور سلامتی کو شدید خطرات لاحق ہیں۔
