دنیا کے امیر ترین شخص ایلون مسک کی پوسٹ نے نیٹ فلکس کا اربوں ڈالر کا نقصان کر دیا۔
ایلون مسک نے حال ہی میں اپنے سوشل میڈیا پلیٹ فارم ‘ایکس’ پر لوگوں سے اپیل کی کہ وہ اسٹریمنگ سروس نیٹ فلکس کی سبسکرپشن ختم کر دیں کیونکہ وہ غیر مناسب کانٹیٹ کو فروغ دے رہی ہے۔ اس کے بعد نیٹ فلکس کو بڑا نقصان ہوا ہے اور اس کے شیئرز کی قیمت گر گئی ہے۔
مسک کی پوسٹ کے بعد نیٹ فلکس کا مارکیٹ سرمایہ 25 ارب ڈالر کم ہو گیا ہے۔ جمعرات کو نیٹ فلکس کے شیئرز کی قیمت میں 4.3 فیصد کی کمی آئی۔ جس کے بعد نیٹ فلکس کی مارکیٹ ویلیو 498 ارب ڈالر سے کم ہو کر 473 ارب ڈالر پر آ گئی۔
View this post on Instagram
نیٹ فلکس پر الزامات لگ رہے ہیں کہ وہ غیر مناسب کانٹینٹ جیسے ہم جنس پرستی، نسل پرستی کو فروغ دے رہی ہے جس کی وجہ سے سوشل میڈیا پر ‘کینسل نیٹ فلکس’ کا ہیش ٹیگ بھی وائرل ہوا۔
ایلون مسک نے بھی اس تنازع میں اپنا حصہ ڈالا اور نیٹ فلکس کے خلاف پوسٹس کرتے ہوئے کہا کہ اسٹریمنگ سروس بچوں پر منفی اثر ڈال رہی ہے۔
