بلوچستان کے علاقے چمن اور گرد و نواح میں زلزلے کے جھٹکے محسوس کئے گئے۔
زلزلے کی وجہ سے علاقے میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر آ گئے۔
زلزلہ پیما مرکز کے مطابق ریکٹر سکیل پر زلزلے کی شدت 3.3 ریکارڈ کی گئی، زلزلے کی گہرائی 14 کلومیٹر تھی جبکہ زلزلے کا مرکز چمن سے 7 کلو میٹر دور شمال مغرب میں تھا۔
زلزلے کے باعث کسی بھی مالی یا جانی نقصان کی اطلاعات موصول نہیں ہوئی ہیں۔
