پشاور کے علاقے گلبرگ نوتھیہ میں ریلوے پٹڑی کے قریب آگ لگنے سے 30 دکانیں اور 40 کیبن جل کر خاکستر ہو گئے۔
حکام کے مطابق آگ لگنے کی وجوہات معلوم نہیں ہو سکیں ، فائر بریگیڈ کی 12 گاڑیوں نے کئی گھنٹے کی کوششوں کے بعد آگ پرقابو پا لیا۔ آگ کی شدت کے پیش نظر نوشہرہ اور ضلع خیبر سے بھی فائر وہیکل منگوائی گئی تھیں۔
آگ بجھانے کی کارروائی میں 70 سے زیادہ فائر فائٹرز نے حصہ لیا ۔ شدید آگ اور دھویں کے باعث ریسکیو کے 4 اہلکاروں کی حالت غیر ہو گئی۔ حکام کے مطابقآگ کی زد میں آنے والی زیادہ تر دکانیں اور کیبن کباڑ کی ہیں۔
