خیبر پختونخوا حکومت نے سرکاری کالجز میں بی ایس پروگرام ختم کرکے اس کی جگہ ایسوسی ایٹ ڈگری پروگرام شروع کرنے کا فیصلہ کیا ہے۔۔
محکمہ تعلیم کے اعلامیے کے مطابق بی ایس پروگرامز میں شامل متعدد مضامین غیر ضروری قرار دیئے گئے، صوبے کے 36 کالجز میں مختلف مضامین میں بی ایس ڈگری ختم کر دیا گیا۔
بند کئے جانے والے پروگرامز کی فہرست جاری کر دی گئی ہے جس میں پشتو، پولیٹیکل سائنس، اردو، پاک اسٹڈی اور دیگر مضامین شامل ہیں۔
اعلامیہ میں کہا گیا ہے کہ بی ایس پروگرام میں انرولمنٹ کم اور ڈراپ آؤٹ شرح بہت زیادہ ہے ۔ غیر ضروری مضامین کی جگہ مارکیٹ سے ہم آہنگ مضامین شامل کیے جائیں گے۔
