سابق وزیراعظم اور پاکستان مسلم لیگ (ن) کے قائد نواز شریف کی 2 گاڑیوں کو وسطی لندن میں ایون فیلڈ اپارٹمنٹس کے باہر مبینہ طور پر نشانہ بنایا گیا ہے۔
نوازشریف ان دنوں طبی معائنے کے لیے ایک ہفتے کے دورے پر لندن میں موجود ہیں جہاں ان کے صاحبزادے حسن اور حسین نواز بھی ان کے ساتھ ہیں۔
مسلم لیگ (ن) یوتھ ونگ کے رہنما خرم بٹ کی جانب سے سوشل میڈیا پلیٹ فارم ایکس پر جاری کی گئی سی سی ٹی وی فوٹیج میں 2افراد کو رات تقریباً 12 بجے موٹر سائیکلوں پر آتے دیکھا جاسکتا ہے۔ دونوں نے اپنی شناخت چھپانے کے لیے ماسک اور دستانے پہن رکھے تھے۔
Footage clearly shows two masked cowards removing the side mirror panels from Nawaz Sharif’s cars outside Avenfield Apartments. No other vehicles were targeted.
This is politically and hate motivated attack, done by PTI scumbags. https://t.co/qOHeDks7jf— Khurram Butt (@KhurramGB) October 18, 2026
فوٹیج میں دیکھا جاسکتا ہے کہ دونوں افراد ایون فیلڈ اپارٹمنٹس کے باہر کھڑی گاڑیوں کے قریب گئے۔ خرم بٹ کے مطابق ملزمان گاڑیوں سے 4 اشیا نکال کر لے گئے اور کم از کم ایک گاڑی کے سائیڈ مرر کو بھی نقصان پہنچایا۔
بی ایم ڈبلیو اور مرسڈیز بینز کی مجموعی مالیت تقریباً 2 لاکھ پاؤنڈ بتائی گئی ہے تاہم مالی نقصان کی حتمی مالیت کی آزادانہ طور پر تصدیق نہیں ہوئی۔
