انگلش پریمیئر لیگ میں 22 برس کے طویل انتظار کے بعد ٹائٹل اپنے نام کرنے والے مشہور فٹبال کلب ‘آرسنل’ کی کامیابی کے پیچھے جہاں کھلاڑیوں کی انتھک محنت شامل ہے، وہاں ایک پاکستانی نام بھی توجہ کا مرکز بن گیا ہے۔
برٹش پاکستانی ڈاکٹر ظفر اقبال پاکستان کے شہر گوجرہ میں پیدا ہوئے، جبکہ ان کے خاندان کا آبائی تعلق ساہیوال سے ہے۔
برٹش پاکستانی ڈاکٹر ظفر اقبال نے اپنی پیشہ ورانہ مہارت کے ذریعے عالمی فٹبال میں نمایاں مقام حاصل کیا، اسپورٹس میڈیسن کے شعبے میں مہارت رکھنے والے ڈاکٹر ظفر نے 2024 میں انگلش فٹبال کلب آرسنل کو جوائن کیا۔
آرسنل میں شمولیت سے قبل ڈاکٹر ظفر اقبال انگلش فٹبال کے معروف کلبوں کرسٹل پیلس اور لیورپول سے بھی وابستہ رہے، جہاں ان کی خدمات کو بھرپور سراہا گیا۔
پاکستان کے متعدد کرکٹرز بھی اپنے فٹنس مسائل کی بحالی کے مراحل میں رہنمائی کے لیے ڈاکٹر ظفر سے رابطہ کرتے ہیں۔
