لاہور ہائی کورٹ میں بسنت کی اجازت کے لیے جاری کیا گیا ڈپٹی کمشنر لاہور کا نوٹیفکیشن چیلنج کر دیا گیا۔
لاہور ہائی کورٹ میں متفرق درخواست ایڈووکیٹ اظہر صدیق نے دائر کی، درخواست میں موقف اختیار کیا گیا کہ ڈپٹی کمشنر لاہور کی جانب سے چھ، سات اور آٹھ فروری کو بسنت کی اجازت کا نوٹیفکیشن جاری کیا گیا ہے۔
درخواست میں نشاندہی کی گئی کہ پچھلے چند دنوں میں پتنگ کی ڈور پھرنے سے ایک بچی اور نوجوان شدید زخمی ہوئے، پتنگ کی ڈور پھرنے کے واقعات سے ماضی میں قیمتی جانوں کا نقصان ہو چکا ہے۔
درخواست میں عدالت سے استدعا کی گئی کہ لاہور ہائی کورٹ ڈپٹی کمشنر کو جاری کیا گیا نوٹیفیکیشن واپس لینے کا حکم دے۔
لاہور ہائیکورٹ سے استدعا کرتے ہوئے کہا گیا کہ عدالت مرکزی درخواست کے حتمی فیصلے تک ڈپٹی کمشنر کا نوٹیفکیشن معطل کرے۔
