پاکستانی اداکارہ اور مارننگ شو کی میزبان آمنہ ملک نے کہا ہے کہ میں چاہوں گی کہ عمران خان دوبارہ جمائما خان کے ساتھ ہوں۔
آمنہ ملک نے اپنے نئے پوڈکاسٹ شو کے دوران سابق وزیرِ اعظم عمران خان کی ذاتی زندگی سے متعلق اپنے ایک سابقہ بیان پر وضاحت پیش کرتے ہوئے کہا کہ عمران خان کی سابق اہلیہ جمائما خان واقعی باوقار، شائستہ اور باعزت خاتون ہیں۔ علیحدگی کے باوجود انہوں نے ہمیشہ وقار اور شرافت کا مظاہرہ کیا، جو قابلِ ستائش ہے۔
گفتگو کے دوران جب موضوع سابق اینکر، فلم پروڈیوسر اور بانی پی ٹی آئی عمران خان کی سابقہ اہلیہ ریحام خان کی جانب آیا تو آمنہ ملک نے ابتدا میں براہِ راست تبصرے سے گریز کیا، تاہم بعد ازاں انہوں نے علیحدگی کے بعد عوامی سطح پر تنقید کو ناپسندیدہ عمل قرار دیا۔ کسی کا نام لیے بغیر انہوں نے کہا کہ سابق شریکِ حیات کے خلاف کتاب لکھنا اور عوامی الزامات لگانا مناسب اور مہذب رویہ نہیں
