وزیر اعلیٰ خیبر پختون خوا علی امین گنڈاپور قومی سلامتی کمیٹی کے اجلاس میں شریک ہوں گے۔
وہ بطور نمائندہ خیبر پختون خوا اجلاس میں شریک ہوں گے، وزیراعلیٰ نے اجلاس سے قبل صوبے کی سکیورٹی صورتِ حال پر بریفنگ بھی لی۔
ترجمان قومی اسمبلی کے مطابق اجلاس کی صدارت اسپیکر قومی اسمبلی سردار ایاز صادق کریں گے۔وزیرِ اعظم شہباز شریف کی ایڈوائس پر اجلاس طلب کیا گیا ہے۔
اجلاس میں عسکری قیادت پارلیمانی کمیٹی کو موجودہ سکیورٹی صورتِ حال سے آگاہ کرے گی۔ قومی سلامتی کمیٹی کے اجلاس میں تمام سیاسی جماعتوں کے پارلیمانی لیڈران اور ان کے نامزد نمائندگان، متعلقہ کابینہ اراکین بھی شریک ہوں گے۔
دوسری جانب پی ٹی آئی رہنما سلمان اکرم راجہ نے کہا ہے کہ ہمارا کوئی نمائندہ قومی سلامتی کی پارلیمانی کمیٹی کے اجلاس میں نہیں جائے گا،ان کا کہنا تھا کہ علی امین گنڈا پور بطور وزیر اعلیٰ خیبر پختونخوا اجلاس میں شریک ہوں گے۔
