پاکستان سے کشیدہ تعلقات کے باعث افغانستان نے بھارت سے تجارتی روابط بڑھانے کا فیصلہ کیا ہے۔
نجی ٹی وی کے مطابق اس سلسلے میں افغانستان کے قائم مقام وزیر تجارت الحاج نورالدین عزیزی بھارت پہنچ چکے ہیں۔
افغان وزیر تجارت بھارتی وزیر تجارت اور وزیر خزانہ سے ملاقاتیں کریں گے، افغان وزارت تجارت کا کہنا ہے کہ وزیر تجارت بھارتی تاجروں اور سرمایہ کاروں سے بھی ملاقاتیں کریں گے۔
افغان وزارت تجارت کا کے مطابق ان ملاقاتوں کا مقصد افغانستان اور بھارت کے درمیان معاشی تعاون میں توسیع، تجارتی تعلقات آسان کرنا اور افغان بھارت مشترکہ سرمایہ کاری کے مواقع پیدا کرنا ہے۔
واضح رہے کہ پاکستان اور افغانستان کے درمیان کشیدہ صورتحال کی وجہ سے بارڈر تجارت کے لئے بند ہیں۔
