پی ایس ایل کے سیزن 11 میں لاہور اور کراچی کے میچ کے دوران سابق ٹیسٹ کرکٹر عامر سہیل نے کمنٹری کے دوران کراچی کے بارے میں پان کی پچکاری تھوکنے کے بیان پر بیان پر معافی مانگ لی۔
گزشتہ روز لاہور میں میچ کے دوران کمنٹیٹر عامر سہیل کے کراچی سے متعلق بیان پر سوشل میڈیا پر شدید ردعمل سامنے آیا، صارفین نے ریمارکس کو توہین آمیز قرار دیا۔
کراچی کنگز اور لاہور قلندرز کے درمیان میچ کے دوران نشریات میں دونوں شہروں کا ویڈیو کلپ دکھایا گیا، جس پر کمنٹری کرتے ہوئے عامر سہیل نے کہا کہ ویڈیو میں کراچی کی ایک “اہم چیز” دکھانا بھول گئے ہیں۔
انہوں نے کہا کہ کراچی میں سب سے زیادہ نظر آنے والی چیز “پان کی پچکاریاں” ہیں اور اس کے بغیر شہر کی درست نمائندگی نہیں ہوتی۔
