بھارت میں ایک ملازم نے تنخواہ میں 10 ہزار روپے کم دینے پر بدلہ لینے کے لیے ٹیکسٹائل مارکیٹ میں آگ لگا کر اسے 24 کروڑ روپے کا نقصان پہنچا دیا۔
بھارتی گجرات کے شہر سورت میں 8 ستمبر اور 9 ستمبر کی درمیانی شب ایک ٹیکسٹائل مارکیٹ کی چھٹی منزل پر اچانک آگ بھڑک اٹھی جس پر تقریباً 14 گھنٹے بعد قابو پایا گیا۔
آتشزدگی کے نتیجے میں تقریباً بھارتی 24 کروڑ روپے مالیت کا سامان جل کر خاکستر ہو گیا، ابتدائی طور پر اسے ایک حادثہ سمجھا گیا تاہم بعد میں انکشاف ہوا کہ آگ کسی شارٹ سرکٹ کی وجہ سے نہیں لگی بلکہ ایک رنجیدہ ملازم کی انتقامی کارروائی کا نتیجہ تھا۔
سورت کی ٹیکسٹائل مارکیٹوں میں آتشزدگی کے واقعات کوئی غیر معمولی بات نہیں، کیونکہ وہاں بڑی مقدار میں آتش گیر کپڑے کے گٹھے ذخیرہ کیے جاتے ہیں۔ یہی وجہ تھی کہ ابتدا میں اس واقعے کو بھی ایک حادثہ تصور کیا گیا۔
🇮🇳 India: A disgruntled accountant sets textile factory on fire after being fired and denied $100 in unpaid dues.
◾ The blaze engulfed the entire textile market, causing loss of over 300 million rupees, police said.
◾ Worker was owed ₹10,000 in unpaid dues, which the factory owner allegedly refused to pay after terminating him.
— South Asia Index (@SouthAsiaIndex) September 23, 2026
تحقیقات کے دوران پولیس نے سی سی ٹی وی فوٹیج کا جائزہ لیا جس میں چہرے پر رومال باندھے ایک شخص کپڑوں کے گٹھوں پر آتش گیر مائع چھڑک کر انھیں آگ لگا رہا تھا۔ واردات کے فوراً بعد وہ شخص موقع سے فرار ہو گیا۔
