اسلام آباد پولیس نے 3 سالہ بچی کو ریپ کے بعد قتل کر کے لاش چھپا دینے والا ملزم گرفتار کر لیا ہے۔
ترجمان اسلام آباد پولیس کے مطابق دل دہلا دینے والا یہ واقعہ تھانہ نون کی حدود میں پیش آیا جہاں رشتے میں بہنوئی لگنے والے ملزم نے 3 سالہ بچی کو ریپ کے بعد قتل کر کے اس کی لاش چھپا دی جسے پولیس نے برآمد کر لیا۔
ترجمان کا کہنا ہے کہ بچی کے لاپتا ہونے کی اطلاع پر تھانہ نون نے فوری طور پر مقدمہ درج کیا جبکہ تفتیش کے لیے ڈی آئی جی اسلام آباد علی وسیم نے ایس پی انڈسٹریل زون ڈاکٹر ایاز حسین کی سربراہی میں پولیس ٹیمیں تشکیل دیں۔
تھانہ نون کی حدود میں تین سالہ بچی، (اپنی ہی سالی) کو زیادتی کے بعد قتل کرنے والا سفاک ملزم دو گھنٹے سے بھی کم وقت میں گرفتار۔
تین سالہ بچی کے لاپتہ ہونے کی اطلاع پر تھانہ نون پولیس نے فوری مقدمہ درج کر کے تفتیش شروع کر دی،
ڈی آئی جی اسلام آباد علی وسیم نے ایس پی انڈسٹریل زون ڈاکٹر ایاز حسین کی زیر نگرانی پولیس ٹیمیں تشکیل دی، پولیس ٹیموں نے سی سی ٹی وی فوٹیج،جدید ٹیکنالوجی اور انسانی ذرائع کی مدد سے ملزم کاشف کو دو گھنٹے سے بھی کم وقت میں گرفتار کر لیا،
گرفتار ملزم کاشف کے انکشاف و نشاندہی پر تین سالہ بچی سکینہ کی لاش برآمد کرلی گئی۔ بچی کی تلاش اور ملزم کی گرفتاری کے لئے 07 پولیس ٹیمیں تشکیل دی گئیں تھیں، پولیس کے تمام زونز کے ایس ایچ آوز نے سرچ آپریشن میں حصہ لیا۔
واقعے کی مزید تفتیش جاری ہے اور دیگر پہلوؤں کا جائزہ لیا جارہا ہے، واقعے میں ملوث ملزم کو قانون کے مطابق قرار واقعی سزاء دلوانے کے لیے تمام قانونی تقاضے پورے کئے جائیں گے،ایس ایس پی آپریشنز اسلام آباد قاضی علی رضا
#WeRIslamabadPolice— Islamabad Police (@ICT_Police) September 23, 2026
پولیس ٹیموں نے سی سی ٹی وی فوٹیج، جدید ٹیکنالوجی اور انسانی ذرائع کی مدد سے 2 گھنٹے سے بھی کم وقت میں ملزم کو گرفتار کیا جس کے انکشاف و نشاندہی پر 3 سالہ بچی کی لاش برآمد کی گئی۔
