مسلم لیگ ن کے سینئر رہنما اور رکن قومی اسمبلی محمود بشیر ورک 89 برس کی عمر میں علالت کے باعث انتقال کر گئے۔
اہلخانہ کے مطابق محمود بشیر ورک کچھ عرصے سے کینسر کی بیماری میں مبتلا تھے اور لاہور کے ایک اسپتال میں زیرِ علاج تھے۔
بشیر ورک کی نماز جنازہ آج صبح ادا کر دی گئی جس کے بعد انہیں آبائی قبرستان میں سپردخاک کر دیا گیا۔
مسلم لیگ (ن) اور دیگر سیاسی جماعتوں کے رہنماؤں کی جانب سے بشیر ورک کے انتقال پر افسوس اور تعزیت کا اظہار کیا جا رہا ہے۔
محمود بشیر ورک نے طویل عرصے تک ملکی سیاست میں فعال کردار ادا کیا اور انہیں مسلم لیگ ن کے سینئر ترین رہنماؤں میں شمار کیا جاتا تھا۔ وہ وفاقی وزیر قانون و انصاف کی ذمہ داریاں بھی انجام دے چکے تھے۔
