حکومت نے ایم ایل ون منصوبہ(نواب شاہ تا روہڑی سیکشن) 2.5 ارب ڈالر کی لاگت سے 3 سال میں مکمل کرنے کا ہدف مقرر کیا ہے جس سے کراچی تا لاہور سفر کا دورانیہ تقریباً 5 گھنٹے کم ہوگا۔
ایشیائی ترقیاتی بینک (اے ڈی بی) کے نائب صدر ینگ کی سربراہی میں وفد
نے وزیر ریلوے حنیف عباسی سے ملاقات کی ، ملاقات میں نواب شاہ تا روہڑی ایم ایل ون سیکشن کی اپ گریڈیشن، فنانسنگ ماڈل، ریلوے کے جاری اصلاحاتی ایجنڈے اور مستقبل کے سٹریٹجک روڈ میپ پر تفصیلی تبادلہ خیال کیا گیا۔
اس موقع پر وفاقی وزیر نے تفصیلات بتاتے ہوئے کہا کہ نواب شاہ تا روہڑی سیکشن کی اپ گریڈیشن پر تقریباً 2.5 ارب امریکی ڈالر لاگت کا تخمینہ لگایا گیا ہے اور حکومت اس منصوبے کو تین سال کی مدت میں مکمل کرنے کا ہدف رکھتی ہے۔
